विद्यार्थ्यांना निकाल मोबाईलवर मिळणार

लॉकडाऊन संपण्याआधी विद्यार्थ्यांचे निकाल जाहीर होणार

मुंबई

प्रतिनिधी

राज्यात कोरोनामुळे संचार बंदी असल्यामुळे पहिली ते नववी आणि अकरावीच्या विद्यार्थ्यांचे निकाल दूरध्वनी, एसएमएस किंवा व्हाट्सएपच्या माध्यमातून जाहीर करण्याचे आदेश शिक्षण विभागाच्यावतीने शाळांना देण्यात आले आहे. त्याचप्रमाणे हा निकाल स्थानिक संचार बंदी संपण्याआधी जाहीर करण्याची सूचना यावेळी शाळांना दिले आहे. त्यामुळे विद्यार्थ्यांची निकालाची प्रतीक्षा आता संपणार आहे.

राज्यात कोरोनाने पाय पसरल्यामुळे विद्यार्थ्यांच्या सुरक्षेसाठी राज्य सरकारने शाळा - महाविद्यालयाला सुट्टी जाहीर केली. मार्च महिन्यात होणाऱ्या परीक्षा रद्द करून शिक्षकांना सुट्ट्या देण्यात आल्या. पहिली ते नववी आणि अकरावीच्या विद्यार्थ्यांच्या परीक्षा रद्द करण्यात आले असून विद्यार्थ्यांनी वर्षभरात केलेली कामगिरी पाहून त्यांचे निकाल जाहीर करण्याची सूचना शिक्षण विभागाच्यावतीने शाळांना देण्यात आली. त्यानुसार शाळांनी विद्यार्थ्यांचे निकाल तयार करण्यास सुरू करणार आहे.

केंद्र सरकारच्यावतीने संचार बंदी वाढवली असून 17 मे पर्यंत वाहतूक सुविधा ठप्प असणार आहे. त्यामुळे निकालयाची प्रक्रिया सुरू करण्यास थोडा वेळ जाणार आहे मात्र शिक्षण विभागाने स्थानिक संचार बंदी संपण्याआधी निकाल जाहीर करण्याची सूचना शाळांना दिली आहे . त्यामुळे शाळांमध्ये संभ्रमाचे वातावरण निर्माण झाले आहे.

यासंदर्भात भाजप शिक्षक आघाडीचे मुंबई कोकण विभाग संयोजक अनिल बोरणारे म्हणाले की, वर्षभरातील घटच चाचणी, सहामाही निकालाची कागदपत्रे लॉकडाउन असल्याने शाळेतच आहेत. रेडझोन असल्याने मुंबईतील शाळांमधील शिक्षकांना शाळेत पोहचता येत नाही. अनेक शिक्षकांचे १० वी बोर्डाचे पेपर देखील शाळेतच आहेत ते तपासून नियमकांकडे कसे पाठवावे याबाबतचा निर्णय अजूनही बोर्डाने घेतलेला नसल्याने दहावीचा निकाल लांबणीवर पडण्याची शक्यता आहे. शाळा आणि शिक्षकांपुढील अडचणी पाहता निकालपत्र पालकांना देण्याची घाई करू नये.