स्‍वयंसेवी संस्‍थेच्‍या नावाखाली येशू ख्रिस्‍ताचे गुणगाण गाणारी पुस्‍तकं विनामूल्‍य वितरित करण्‍याचा प्रयत्न!
मुंबई (प्रतिनिधी) : मध्‍यप्रदेशच्या विदिशा येथे अनेक ख्रिस्‍ती मिशनरी सक्रीय आहेत. स्‍वयंसेवी संस्‍थांच्‍या नावाखाली मिशनर्‍यांशी संबंधित लोक येशू ख्रिस्‍ताच्‍या कथांशी संबंधित धार्मिक पुस्‍तकांचे वाटप करत असल्याचा प्रकार नुकताच उघडकीस आला आहे.विदिशा येथील लिरा भागात दि. १९ जुलै रोजी एका तरुणीने 'पांडोचा मिडल स्‍कूल'मध्‍ये स्‍वत:ला एका स्‍वयंसेवी संस्‍थेशी संबंधित असल्याचा दावा करत शाळेतील मुलांना येशूच्‍या गौरवाशी संबंधित पुस्‍तके विनामूल्‍य वाटण्‍यास प्रारंभ केला.
सनातन प्रभातच्या वृत्तानुसार, या पुस्‍तकांची नावेही हिंदूंच्‍या धर्मग्रंथांप्रमाणे आहेत. तर आतील कथा येशूच्‍या गौरवाने भरलेल्‍या आहेत. ही प्रकरणे लोकांना थेट धर्मांतर करण्‍यास प्रवृत्त करतात. 'पवित्र ग्रंथ, स्‍तोत्रे आणि नीतीशास्‍त्र' असे संबंधित पुस्‍तकाचे नाव होते. या पुस्‍तकाच्‍या नावावरून हे पुस्‍तक हिंदु धर्माविषयी असेल, असा भ्रम होतो; पण प्रत्‍यक्षात हे पुस्‍तक येशू ख्रिस्‍ताच्‍या चमत्‍कारिक कथांनी भरलेले होते. एवढेच नाही, तर ख्रिस्‍ती धर्माचे गुणगान करतांना या पुस्‍तकात हिंदूंच्‍या संतांची निंदा केली होती. या तरुणीला पुस्‍तके वाटप करण्‍यास शिक्षकांनी विरोध केला असता तिने शिक्षकांशी हाणामारी केली. पोलिसांना बोलावण्‍याची चर्चा होताच ती पळून गेली. या प्रकरणी बजरंग दलाचे सहसंयोजक रवि लोधी आणि संघटनेचे इतर अधिकारी यांनी स्‍थानिक पोलीस ठाण्‍यात तक्रार नोंदवणार असल्‍याचे सांगितले. या संपूर्ण प्रकरणाचा शिक्षकाने व्‍हिडिओही बनवला असून तो समाज माध्‍यमांवर प्रसारित झाला आहे.
Comments
Post a Comment